Aaj aayi Mujhe Barson pehle ki Yaad…Kuch Bachpan ke Kisse aur Guzre hue Din Raat. Galiyaan thi woh Reclamation ki ya phir hon Hanuman Road ki Baat…Pyaar bhare Palon aur Yaadon ki Saugaad.
Omlete Paav ki Subah aur Eros Mithai ki Shyaam. Glucose Biscuit ki Khushboo aur Macchi Fry ka Swaad. Alag alag Swadisht Khane ka Chaska, Un Haton ka Dala Hua, Kuch Alag hi tha Woh Maska.
Kaanda Batate ki Tahake, Inni Inni ka Kaam, Jhooth Mooth ke Operations and Shammi ji ke Tummy pe Aaraam. Nail polish ke botolon ko Parakhna, jaise Jaadoo ke hon Woh Colors, Haton Mein Towel ka Power hota, Jisse mein Challenge karti Kisika bhi Vigour.
Silly Jokes pe Hasna Hasana, Befikri se Badon ki Baaton mein Khona, Digene ki Goli ko Chocolate samjhke Khaa Jaana.
Dhoodh, Ande aur Badam ki Salah aur Mote Hone ki Maang, In Sab mein Yaad nahin Mujhe kabhi Daat, Maar ki Haak. Carter Road ki Walk, Temple ke who visits, Mummy aur Nani-Mausi ki Talk auur bhi Bahut Saarien the Mere Shauk.
Nam Akhon se Bas Yahin Kahungi Yaar..Bhagyawan Hun Mujhe Mila Teenon Naniyon ka Pyaar, aur Saath hi Saath Mila Mujhe Teenon Nanaon ka Dulaar.
Vile Parle G ki Taakat aur Leelavati G ki Leela Aparampar, Ashaa aur Duaan Karti Hun ki Bana Rahe Aap Sabka ka Saath aur Aap Sab Jeeyen Hazaron Saal.
luvurlifeblog 